منتديات عبق الياسمين - عرض مشاركة واحدة

#1 02-06-2022, 11:10 PM

قصه فكاهيه

من كم سنه كنا نطلع مكاشيت واستطلاعات في بر المملكه
في كل مكان شمال وجنوب وشرق وغرب مانخلي مكان الا نجيه
نغيب بالشهور عن اهلنا ..
مجموعة شباب طبعاً للوناسه وزيادة معرفه وفائده ..
اكثر من 150 طلعه طلعناها والحمدلله ماواجهنا تعب ولا حوادث ..

المهم جوني اصدقاء لي وهم 5 شباب .. وقالو تروح معنا قلت تم ..
واخذت معي اثنين من المهبل اللي معي ههههه ومشينا شمال حايل
مع الطريق كفشنا واحد ماعمره تكلم مع بنت
ومن كثر مايشوف القنوات والبنات حالته حاله
حنا هنا طحنا على مرادنا ههههههههه
والوضع مجرد استهبال موب اننا بنضحك على الرجال
لكن هو اللي جاب الامر على نفسه
حنا ماصدقنا هههههههههههههههه
وقعدنا نسولف عن البنات وحلاوة البنات قدامه وقصص
ونملح في القصه
والولد فاتح فمه معجبته القصص اللي نقولها وحنا في السياره
المسافه اللي قطعناها كلها قصص بس تفكيرنا كان حين وصولنا للمكان اللي نبيه
ننسى ماقلناه له .. هي بس فتره وتسليه طريق وبس ..!
ابو الشباب اللي منهبل مانسى التهريج اللي نقوله وصدق القصص اللي قلناها
وقام يفكر ويهوجس ويخطط فكرياً .. ههههههه

المهم وصلنا للمكان اللي نبيه وبنينا خيمتنا ونزلنا العزبه كلها واغراضنا ..
وفترة جيتنا الساعه 2 ظهراً .. طبعاً الاجواء حلوه أمطار وخير ..
سوينا غدانا وانبسطنا اليوم كله
بين تطعيس وبينا سباحه في الغدران وهو معنا مبسوط ..
اليوم الثاني قال ابو الشباب انا طفشت في البر ابي ارجع لرياض
وتعرفون مشوار ولانقدر نخلي خوينا يروح لحاله صعبه ..
جينا سوا ونرجع سوا ..
فكرنا وش نسوي علشان نغير رايه ..
المهم نط علينا خويي فيصل عندي خطه
قلنا وش هي قال انا بروح لحايل
وبشتري خيمه صغيره ومنها اتقضى بعض الاشياء
ونشوف الديره قال معي ياخالد قلت مشينا
ومع الطريق قالي الخطه وضحكت قلت الله يعينه
بس اخاف يدري .. قال فيصل ماهوب داري ..
طبعاً الخطه سويناها وبنيناها على تفكيره عن البنات
يوم كنا في السياره
ودخلنا الشغله بعقله وكيف يعطونه وجه وكيف يغازلهن ههههه وكيف وكيف خخخخخخ هبلنا فيه ^_^

المهم رحنا وجبنا الخيمه مع عنز سودا (ماعز )وهو مايدري وبنيناها يعني موب بعيده
وربطنا العنز في طرف الخيمه راسها داخل الخيمه وخلفيتها برا
الخيمه والعنز حركتها كثيره تروح وترجع
انا قلت مراح تنجح بس جت معنا ومدري كيف انجحت الخطه هههههههه أنجحت كيف مدري!!
طبعاً حنا جالسين قدام الخيمه والخيمه الصغيره قدامنا بس نازله تحت شوي
مع وسوسة العيال ل خوينا وتضبيط القصص وسفريات خارج المملكه لخبطة مخ صاحبنا ..
المهم قام فيصل قال ياعيال شوفو البنت تطلع وتدخل قدامنا
وين اهلها ليش مخلينها لحالها .. موب معقوله
طبعاً الرجال مستوي على الاخر خلاص سيطرنا عليه هههههههه

وحنا نقول له شكلها تبيك اشر لها وقام يأشر لها قلت له ايه قام حظك وحنا مع الطريق ولا بنت عطتنا وجه

ههههههههههه قال بدينا في الحسد ههههههههههههههههههههه قلت لا بس انتبه لها ..
وانتبه لاتروح ترا اللي هنا عرب
ماعندهم يمه ارحمينا يقتلون على طول كلها ولا بناتهم ..
كرم عندهم وقلوبهم طيبه
لكن انتبه مانبي مشاكل معهم ههههههههه
المهم الرجال ماصار يجلس يلف ويدور على خيمتنا مايدري وش
يسوي ولا ينام ويدخن كثير ههههههههههه
وانا قاعد اناظره اقول الله يقطع ابليسك يافيصل لو عرف وش نسوي
خخخ طبعاً طلعتنا 4 ايام ونرجع ..
اليوم الثالث جاني ولد عمي سعد يقول ترا كذا بيروح لها شيلو الخيمه
والعنز ههههههههههههه ولو سأل عنها نقول سرو في الليل
وحنا ماندري طبعاً باقي يوم على رجعتنا
المهم قبل صلاة الفجر رحنا وهدمنا الخيمه واخذنا العنز وبعناها
الصباح على واحد برخيص ^_^
ورجعنا للمكان ومعنا فطور وجالسين العيال يسوون القهوه والشاهي و صاحبنا ماهوب معهم قلنا وينه
قالو شوفوه جالس محل الخيمه
والتفتنا عليه والله اني حزنت وندمت وضاق صدري على طول
وماكنا متوقعين هذا الوضع يصير

وجيناه وقلت وش بلاك قال على طول ( متى نرجع ) انا هنا شكيت
قلت الظاهر انه كفشنا
وبنفس الوقت مانقدر نقوله خفنا لايزعل علينا ..
لكن أحتمال شكي صح لان يوم رجعنا صاحبنا ساكت طول الوقت
وأحتمال انه حزين على فراقها هههههههه

واخرتها نام لين وصلنا الرياض ..
بعدها بغينا نقوله لكن خليناها وسكتنا وكن ماصار شي ..

*******

المصدر : منتديات عبق الياسمين

• ♥ لَلَهَوًّىَّ اَحَكَاَمَ♥