سهير الشوق :
سهير الشوق ك
قلبي يابو عايد تقفَّاه لعاج
من خشف ريمٍ ثغرها لول منضود
غديت أهني بالوسن كل هلباج
وأنا سهير الشوق بالرجم مضهود
أشكي فراق اللي سلك عدة افجاج
شد الضعن واندرست آثار الأملود
من بيننا حالت مهاميه وازراج
وثور الدخن والدرب لا جيت مرصود
أخاف لا جيته عقب شيبي محتاج
يصد ما كني من الهجر مجهود
أو لا تجاورنا القبر عنه ينباج
حتى حرام الشمل يلتم بلحود
يالله يا منزل من السحب ثجاج
تروف في قلبٍ من البعد ملهود
1435 هــــ - 2014 م .
|