أبخل من أبوه
بخيل ذكي.. من شابه اباه فما ظلم
......
رجل بخيل جداً, جاء له ضيف
نادى البخيل ولده
وقال له: يا ولدي
عندنا ضيف عزيز على قلبي رح للسوق واشتر لنا
لحم ... أحسن لحم في السوق ...
(طبعاً الضيف يسمع )
راح الولد للسوق وبعد مدة رجع لكنه ما اشترى شي
سأله أبوه: وين اللحم؟
قال الولد: رحت ل لجزار وقلت له: عطني أحسن ما عندك من اللحم.
قال الجزار: بأعطيك لحم كأنه زبدة.
قلت لنفسي إذا كان كذا ليش ما
أشتري الزبدة بدل اللحم.
رحت للبقالة
وقلت له: عطني أحسن ما عندك من الزبدة.
قال راعي البقالة: أعطيك زبدة كأنها دبس من حلاوتها.
قلت في نفسي : إذا كان الموضوع كذا
أفضل لي أشتري الدبس..
رحت لراعي الدبس
وقلت له: عطني أحسن ما عندك من الدبس.
فقال الرجل: أعطيك « دبس » كأنه الماء الصافي
فقلت لنفسي: إذا كانت السالفة ماء
فعندنا ماء صافي في البيت وأحلى منه .
عشان كذا رجعت بدون ما أشتري شي ...
قال له أبوه: ما شاء الله عليك
بعدي والله .. أنت كريم مثل أبوك ..
والضيف يسمع ... ووجهه يتقلب من القهر ...
الأب همس في أذن ولده: بس فاتك شي...
استهلكت نعالك وقطعتها من كثر المطامر من دكان إلى دكان
قال الولد : ما تقلق يابوي.. أنا لبست نعال الضيف