ممكن لو سمحتوا بقلمي الشاعر محمد البهلوان
ممكن لو سمحتوا يعني لو اتكرمتوا
تسيبولي من الفرح حبة اصلي محروم من زمان
عشت العمر بستنى مرة في العمر مرة
اضحك من كل قلبي دنا من الجراح تعبان
وانا مش هسيبها الفرحه هجيبها
لو حتى في القمر انا طير طيران
دمعي في عيني هو الضحية
يا عالم ارحموني ما كفاية حرمان
كفاية حرمان
ممكن لو سمحتوا يعني لو اتكرمتوا
تسيبولي من الفرح حبة اصلي محروم من زمان
كل الوشوش دي بتضحك وتغني علي الالحان
وانا غصبا عني يا دنيا ماليش غير في الاحزان
مكتوبلي ابكي احزن واشكي
ومين حس بوجعي وزيي حس بالام
ما تكلميني طلعتي عيني
واديني حبة حب اه وشوية حنان
وشوية حنان
ممكن لو سمحتوا يعني لو اتكرمتوا
تسيبولي من الفرح حبة اصلي محروم من زمان
علشان مانا قلب طيب بيقولوا عليه جنان
والطيب مش ضعيف وعمره ما كان جبان
انا اصلي غالي في السما عالي
واصلكوا في الارض واطي واطي وطيان
عرفت نفسي من غيركوا همشي
في طريق حبيبي السعادة طريق العدنان
طريق العدنان
ممكن لو سمحتوا يعني لو اتكرمتوا
تسيبولي من الفرح حبة اصلي محروم من زمان
|