منتديات عبق الياسمين - عرض مشاركة واحدة

29-06-2018, 07:26 AM

موضوع جميــل يستحق النقآش ، كثير مرينا بالأمور هذي

بذكر لكم موقـف صار مع ولد عمــي ...

ولد عمي خلص الثآنوي ، ودخل جامــعه ومامشــت أموره وبعدين قرر يفصل من الجامعــه
فصــل من الجامــعه وجلس كم سـنه عند أهلــه ,, لدرجة ما يلقى أحد يصـرف عليــه وقرر يشتغل في أي شغلــه كان يطلـع للبر يجمــع الحطب ويبيــعه وممشـي اموره كذآ
بعدين الله رزقــه في وظيفـــــه في المبآحث وتوظــف وشرى سيارته واموره تمام
في يوم من الأيـام جاء ولد جارهم اللي كل عمرهم مع بعض ، وقال لـه أبيك تكفلني في موضوع ، ولد عمي طبعا ما فكر ولا شيء على طول وافق انه يكفله من الثقـه هذا ولد جاري وهذآ كل عمري مــعه وكفـــلـه أول شهـــر ما سدد الرجال ، وصارو يخصمــون من الكفيــل ، الشهر الثآني ، الثـالث ، جاه ولد عمي كلمــه قآل لــه ماني مسدد ويالله توكل ؟
أنصدم منه والمشكلة يقول المكتب اللي عنده العقــد قفل من زمآن ، ولا يعرف عنهم شيء ، حاول يوصــل للمكتب وصــل لصاحب المكتب قآل حنا كل شهرين نرمــي الأوراق القديمة

وأذكره بيقدم على المحكمــة لكن المشكلة ما مــعه دليــل على هالرجال ، غيــر أنه يحلــف بكتآب الله وهذا أعظم من مآل الدنيآ ومافيهــا

فـ/ اللي يبي يكفل شخص لازم بالاول يضمــن إن هذا الشخص ماراح يسحب عليــه

انا بصراحة لو يجيني أخوي يقول لي أكفلني ما أكفل مهما يكون الشخص ، أطلبني أعطييك ، أكفل لا