منتديات عبق الياسمين - عرض مشاركة واحدة

#1 10-07-2018, 10:59 AM

انا مين فيكوا
ولا سؤالى صعب عليكوا ؟
دايماً استخدم ملامحكم
ولا عشان ده شئ يرضيكوا ؟

نظرة غريبة و حيرة عجيبة
و سؤال طالب بسمة طبيبة
ليه مايكونش الكل ف واحد
علشان راحة البال تواسيكوا
انا مين فيكوا

قالوا كتير فى الامثال :: فى الوش مرايا و دا حال
ناس تقابلهم تضحك ليهم :: لكن فى الضهر استقتال

و اما تقول الكلمة بمعنى :: و عيونك ترسمها بمعنى
و ردود الافعال لها معنى :: كلمة وليها ألفين معنى
تبقى الحيرة سجون تجمعنا :: و الصدق صراخ بيصدّعنا
بينادى على بُعد بعيد :: وياريته يوصل لاسماعنا

انا تعبان من دى وشوش
تحت جلودها شئ مرشوش
بيغيّر تعابيرها تملّلى
من حزن لــ مهموم لـ بشوش
وف آخر الليل ينده ليكوا
انا مين فيكوا

المصدر : منتديات عبق الياسمين

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )