تذكير بالجزء الرابع
فقال جاسم : جلست اقلبها في راسي لو جبت واحد من المهندسين محد راح يقوم بعمله ويكون هناك خلل قي العمل بس خله فتره وعين معه واحد
واثناء نقاش جاسم مع مدير الشركه دخل ابوسالم وفي يده دله قهوه فقال المدير من سمحلك بدخول ارتبك ابوسالم هنا تتدخل جاسم قال انا قلت له يدخل علي في أي وقت والقهوه جات بوقتها التفت جاسم على المدير وقال
الجزء الخامس
قال جاسم : مدير المشروع واجهه للشركه فكيف يتصرف بهذا التصرف مع الناس لوكان هذا الرجل صاحب احدى المشاريع اللي رست علينا و تصرف معه هذا التصرف انسى يرسى علينا مشروع ثاني منهم التفت جاسم وهو يمد فنجاله لبو سالم وهو يقوله صب قهوه يابو سالم
قال ابو سالم : ابشر
وكمل جاسم نقاشه مع مدير الشركه خلص الاجتماع مع مدير الشركه
وجلس جاسم يسترجع الاحداث التي صارت في بيت ابوسالم وتذكر حصه
واللي شافه منها اخذ له وقت وهو سرحان ياترى لو تقدمت لبو سالم وخطبتها بيوافق قال في نفسه الا اول اشوف امي وجدي واتخلص من البنت اللي يبغوني اخذها .
طلع جاسم من المكتب وقال لبو سالم وديني الفندق الذي يسكن فيه جاسم
وصله ابو سالم للفندق وقاله تعال بكره الصباح جلس جاسم في غرفته
وهو جالس على السرير الا طيف حصه قدامه وكل ماحاول يشغل نفسه الا طيف حصه قدامه قال انا بنزل للوبي الفندق يمكن يخف التفكير فيها وهو نازل في المصعد الا ذاك الرجال اللي معه في المصعد يتفكر فيه ويتبسم دقق جاسم في الرجال الا هم يعرفون بعض فقال جاسم انت احمد
فقال احمد : نعم فقال وانت جاسم
قال جاسم نعم
سلمو على بعض وقال جاسم ساكن في الفندق قال احمد ايه في غرفه 425
ويش عندك هنا قال معاي موعد اليوم احد الشركات تاخذ منا شغل في المكان الفلاني
قال احمد وانت شنهو عندك هنا
قال جاسم :احدى شركاتنا لها فرع هنا وجاي اتفقد العمل
قال احمد شنهو اسم شركتكم
قال جاسم : شركه الشراع للصناعات البتروليه
قال احمد : هذي الشركه اللي ماخذه المشروع منا
قال جاسم : شنهو اسم شركتكم
قال احمد : شركه القوس الذهبي
متى موعدك مع شركتنا
قال جاسم اليوم العصر
وحنا الحين بالفندق ومكان راحه شرايك نخلي العمل في وقته وفي مكان العمل
قال احمد افضل راي
جلسوا يسولفون مع بعض وجاسم يقول يامحاسن الصدف
في بيت ابو سالم
رجع ابوسالم للبيت واول مادخل الا ريم تقول يبه وين اللي طلبت مني الابله جبته قالت لها امها يابنت خلي ابوك يرتاح اول بعدين تكلمي وفي هذي الاثناء الا حصه جايبه ماي دافي وتحط ارجول ابوها فيها وتهمزها له
قال ابوسالم جعل يومي قبل يومك
قالت حصه اسمله عليك يبه الا جعل يومي قبل يومك
ضحكوا وهم يسولفون وشرد ذهن حصه وابوها يكلمها فانتبهت لها امها وتحركها برجلها بدون يشوفهم ابو سالم فقالت سم يبه
قال شخبارك مع دراستك ومتى اختباراتكم قالت ابشرك يبه انا بنت ابو سالم ودايم ابيض وجهك لا تحاتي يبه الا ريم يبه يبه جبت اغراضي قالت امها الحين بنروح نجيبها قالت ريم بروح معاكم قال ابوها حياك ضحكت ريم انها بتروح مع امها وابوها يشترون اغراضها راح ابو سالم وام سالم ووريم وسالم وجلست حصه في اليبت جلست في غرفتها وجلست تفكر في جاسم اللي لمحت منه نص وجهه .
في الفندق وجاسم مع صديقه احمد يسولفون الا رن تلفون جاسم وقال يمه
يمه ويش فيك قالت جدك تعب علينا وهو في المستشفى قال جاسم جايكم جايكم .
جاسم يعيش مع امه وجده واخته اكبر منه متزوجه لكن للحين الله مارزقهم بعيال وهي سر جاسم
تطمن جاسم على جده في المستشفى وطلع في نفس اليوم ورجع لليبت
وجالسين جاسم وامه واخته عند جده لاحظت اخت جاسم اخوها يسرح بفكره على غير العاده
اسم اخت جاسم ( نوره ) بعد ماتطمنت على جدها قالت جاسم شرايك توديني لبيتي لان فلان بيتاخر قالها ابشري
ركبوا السياره وقالت اخوي بيش سرحان قالها مافيه شئ مثل العاده العمل وضغوطاته
قالت نوره مهوب صحيح
اللتفت جاسم لها مستغرب من كلامها ويقول في نفسه حست بشئ
فقال لا تشغلين باالك
قالت الا فيك بس قولي هنا تنهد جاسم تنهيده قويه وقال لها انا البارح وانا في جوله في احد المواقع وقت الغذا قلت لسايق شوف لنا مطعم نتغدا فيه قال الا بتغدى عندي في بيتي حاولت اني اعتذر لكنه اصر علي وافقت على الغدى وقفنا عند بيته انصدمت من اللي شفت بيت من الطين وقديم بس فيه تغدينا ذالك الغدا اللي في حياتي ماذقت مثله وانا اغسل واللتفت اتجاه البيت صدفه واشوف بنته يانوره زينها يطير العقل وهي اللي شاغله بالي
بس امك وجدك يبغوني اتزوج مليحه اللي مافيها من الملح شئ
قالت نوره الحين مافيها من الملح شئ خلني ساكته
قال جاسم : بس صدقيني شعوري من ناحيتها مثلك اخت لي
قال ويش رايك افتح امي وجدي في الموضوع
قالت نوره : ياجاسم الوقت الحالي غير مناسب ابدا"
قال جاسم : والحل
وهو يسولف مع اخته سرح جاسم وهو يسوق السياره وصاحت اخته عليه
جاسم انتبه انتبه انتبه
جاسم هو يسوق سرح و طلع من الطريق على الكتاف وكان مسرع شوي فحذرته نوره وهي اتصيح انتبه انتبه وينتبه جاسم وحكم السياره في طريقها الصحيح بعد ما مالت الى الكتاف وتصيح عليه نوره وقف وقف
فوقف جاسم السياره
فقالت نوره : ياخوي بغيت تعدمنا وين سرحت
فقال جاسم : وهو يعتذر من اخته ويقبل راسها خذت عقلي حصه يانوره
افكر فيها في كل وقت
قالت نوره : اذا انت كذا وانت ماجلست معها ولا كلمتها بكره ويش بتسوي لجلست معها
فقال جاسم : وطلعت تنهيده من صميم صدره ااااااه متى يجي ذالك اليوم
ضحكت نووره من اخوها
وقالت نوره : سق بنا بس ياحظ هذي البنيه اللي بتزوج اخوي
قال جاسم : الا ياحظ اخوك بها
في هذي الاثناء جاء اتصال وقال ابوسالم ويش فيه
نكمل في الجزء السادس