كنت فاكر نفسي شاعر
أو أديب من الادباء
كنت فاكر نفسي حاجة
بين الحروف الف وباء
كنت فاكر بس لكن
الف لكن علي الغباء
كنت فاكر قلبي طيب
من أطهر القلوب
وانت سكتي جميلة
من أجمل الدروب
كنت فاكر بس قلبي
معدتش فاكر غير ذنوب
كنت فاكر دنيتي
أجمل دنيا في الحياه
وأن عمري أه ياعمري
ولا عمري هحس اه
كنت فاكر بس حزني
وجرح قلبي لمنتهاه
كنت فاكر ممكن أرجع
بعد السنين احب تاني
بعد جرحي اللي انجرته
ممكن أحس الاغاني
فجاءة لقيت العمر ضاع
وياخسارة ع الاماني
يا خسارة على الاماني
خسارة على الاماني
بقلمي
الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات