منتديات عبق الياسمين - عرض مشاركة واحدة - الحمد لله مصر بخير بقلمي الشاعر محمد البهلوان

#1 11-08-2023, 05:27 PM

انبارح كان من ايام حياتي وفيه عرفت قد ايه سكك حديد مصر اتطورت والمواعيد اتظبطت والحالة اتعدلت يعني اقول ايه
مش عارف ليه انا لما بروح منوف بقالها يجي خمس سنين من يوم ما تعمل الطريق بنها الحر بروح منه مش عارف ليه هفني انبارح قال ايه اروح قطر عشان النهاردة الخميس موقف منوف هيبقي زحمة وبلاش قطر منوف عشان هيبقي زحمة اركب ايه بقي قولت للي بيقطع التذاكر عاوز اروح منوف سكة بنها قاللي ماشي الساعة سبعة ونصف قولت مش مشكلة انتظر وخلاص
ما شاء الله القطر في ميعاده بالثانية جي ركبته بس فيه حاجة غريبة ليه الناس دي ما كربتهوش مش فاهم ، المهم ركبت ولاحظت انه فيه اماكن وقعدت والكراسي ايه منجدة وزي الفل كلمت واحد قاعد قدامي قاللي ده قطر روسي قولتله روسي ايه هو فيه روسي والماني مش ده القطر بتاعة سابعة ونصف قاللي لا قولت له يا عم الحاج انا رايح منوف عن طريق بنها
تذكرتي بــ 8 جنية اوووم قاللي ايه وكان القطر بيطلع من المحطة قاللي ده لحد بنها 15 جنية يعني انزل قاللي تنزل فين بقي ميهمكش وعلي حظي كنت راكب اخر عربية في القطار والكمسري جه واديتله التذكره راح قاللي بكل شياكة وادب التذكرة دي المفروض تركب القطار اللي بعده العاده ده روسي ، قولتله ازاي هم قاللولي في المحطة القطر هيجي سبعة ونصف
اووام رد بكل احترام انت هتستعبط ولا ايه يعني انت مش عارف قولتله والله مش عارف بقاللي فترة كبيرة مبركش قطارات اوم رد ايضا بكل احترام مسالتش ليه وبكل احترام برد طلب البطاقة واصر ياخد البطاقة وخد مني البطاقة وحواليه ناس محترمين بصراحة من مباحث الشرطة تقريبا واحد منهم قاللي روح للكمسري انت قاعد ليه روح خد منه البطاقة قبل ما يعملك محضر في محطة بنها بكل احترام . روحت له في العربية التانية كل ده مكنشي مشي غير عربية وعامل مشكلة في واحدة وعائلتها نفسي مشكلتي تقريبا وفضل كده بكل احترام وقال لازم اعملكوا محضر في محطة بنها بكل احترام وهم هيعملوا معاكوا اللازم بكل احترام وللاسف لا انا ولا الست دي وعائلتها معنا حق المخالفة والغرامة بكل احترام كان يدوب معايا بكل احترام 55 ادتيهلوا في المحطة بعد ما اتعملنا فضيحة في محطة بنها بكل احترام واتلموا الناس بكل احترام وجمعوا لنا الباقي بكل احترام بعد كده اسكت لا ابدا اروح الاقي قطر بنها منوف ميعاده عشرة ونصف يا الله ايه المواعيد الحلوه دي يعني من الساعة الثامنة مساء لحد العاشرة والنصف مفيش قطر من بنها لمنوف قعدت انا بقي زي الباشا في المحطة افتكر اللي حصل معايا بكل احترام بصراحة انا عيطت من كتر الاحترام وصبعت علي نفس اووي من كتر الاحترام ده والشهرة اللي انا خدتها في المحطة مش عارف اعمل ايه والموبيل فصل شحن كنت بتسلى بيه بقي دي ساعتين ونصف المهم دخلت كام حجرة حجرة المدير تقريبا وحجرة الكومسارية كلهم بيشحنوا موبايلاتهم بكل احترام برده المهم طلعت برده قولت لواحد تقريبا شغال مباحث برده في المحطة انا عاوز اشحن الموبيل عشان اكلم عيالي انا من الصبح بره وهم مش عارفين اني هتاخر كده راح قاللي ايه فيه فيش في النفق النفق ده في المحطة برده بكل احترام نزلت النفق لقيت فعلا فيشه اوووام حطيت الشاحن بتاعي والموبيل وهاتك يا شحن راح مجند في الجيش بيقضي خدمته تقريبا في النفق بيقوللي ممنوع بكل احترام برده قولت له ليه هم عملين الفيش ده ما عشان الناس تستخدمها كل شوية يقوللي ممنوع وانا اتحايل عليه واقول له خمس دقائق بس المهم كل شوية يقوللي ممنوع يدوب بس قولت له وعليت صوتي شوية بكل احترام برده وقولت اومال عمالين الفيش ده ليه لما تقول ممنوع لقيته بيجري من مكانه وطالع السلم قولت في عقلي بالي ليبلغ الشرطة العسكرية وهم بكل احترام يعملوا اللازم كل ده ليه عشان عايز اشحن الموبيل روحت جريت بسرعة انا كمان من على السلم بكل احترام اهرب بجلدي يا عم وروحت تاني علي حجرة الكومسارية عشان اشحن الموبيل من هذا الموقف بقول الحمد لله اليوم مر وعرفت ان مصر بخير

المصدر : منتديات عبق الياسمين

4 أعضاء قالوا شكراً لـ محمد البهلوان على المشاركة المفيدة:
, , ,