منتديات عبق الياسمين - عرض مشاركة واحدة

#1 18-05-2018, 11:46 AM

وصلتنى الدعوة على الفطار من الاخت سهى و يا سلام على الدعوة .
موسيقى الحى الشرقى انطلقت بداخلى
اخيرا ح اكل من غير ما ادفع فلوس ههههههههههه و اختار احلى اصناف اكل
، و كمان قايمة من الاصدقاء يكونوا معايا فى العزومة المجانى دى
وهنا وقعت فى حيص بيص ،
لان كل الناس هنا حلوين و كويسين و كل واحد فيهم
ح يوفر طبق و و كام رغيف على سفرة بيته ،
قلت مين يا واد يا رضا اعزمه معايا
وقع اختيارى على :

رفعت العاشق
وصلته الرسالة على موبايله النوكيا .. فرحة لا توصف وقعت فى قلبه ..
اجهز يا عاشق ح تفطر معايا عند الاخت سهى فى قاعة الاجتماعات الرئيسية
لمنتديات عبق الياسمين .. و كان لسان حاله بيقول :: عزومة جت فى وقتها ..
الواحد يقضى يوم بعيد عن ام عبده و عبده نفسه ، ال خلانى اطلع من هدومى ..
ايام الامتحانات و ليالى السهر و المذاكرة ، خلت عيونى كاسات دم من قلة النوم ،
كنت اصحى كل يوم الساعة خمسة الفجر عشان يقوم يراجع دروسه قبل ما يروح الامتحان ...
الواحد يفرفش شويه بعيد عن جدران البيت . نزل بسرعة على محطة القطار
و حجز تذكرة عشان يوصل قبل انطلاق مدفع الافطار

عمر
وصلته الرسالة و كان محتار ، يقبلها ولا يعتذر .. لان ظروف الشغل صعبة شوية ،
و لكنه قال .. اغير جو شوية بعيد عن جو البيت و العمل ..
وقت ظريف مع اصحابى و الناس ال باحبهم ..
نزل بسرعة على محطة القطار و حجز تذكرة عشان يوصل قبل انطلاق مدفع الافطار .

ابتسامة الزهر ( ؟؟؟؟؟؟ )
وصلتها رسالتى و العزومة البلاش هههههه ... احتارت تقول ايه لابوها و امها
و اخوها الكبير .... مشكلة وقعت فيها ... لان عمرها ما اكلت برة البيت ..
الا فى عزومات عائلية .. و لكن .. احتارت تقول ايه على عزومة مع ناس تعرفهم
عن طريق النت ... شافها اخوها ... ( مالك يا زهورة ... شكلك عايزة تقولى حاجة ..
قولى .. انا اخوكى .. باحت لك بسبب الحيرة .. قال لها : سهلة حبيبتى ...
خليهم يزودوا كرسى و طبق و كام رغيف .. ح اروح معاكى ..
وافق الحاج و الحاجة طالما زهرة مع اخوها. نزل بسرعة على محطة القطار
و حجز تذكرتين عشان يوصلوا قبل انطلاق مدفع الافطار.

خالد العصواني ( ؟؟؟؟؟؟ )
وصلته الرسالة و كان عايز يرتاح شوية .. يوم الجمعة بيكون راحة من مواعيد العمل
و الصحيان بدرى ولكن قال كويس ... التغيير حلو و مطلوب
ح نشوف رضا لابى .. على الطبيعة ، افضل من الرمزية و الكلام عن طريق الكيبورد
و الرسايل الخاصة .. ال ممكن يكون فيها مجاملة و ازالة اى رتوش
من على الشخصية الحقيقة و ظهورها فى ابهى صورها .. ابلغ زوجته
بانه ح يفطر برة البيت فى عزومة مع بعض من اصدقاء النت ...
قالت له : و تسيبنى وحدى يا خلودى ؟ ...
رد عليها ... هو انا اقدر افطر بعيد عنك .. بس مش حلو انى اتعزم و اجيب معايا
ضيف غير معزوم ... اصرت على الخروج معاه و عشان انا عارف انه بيحب مراته جدا ..
اتصلت به و قلت له ممكن تجيب مراتك معاك ...
لان العدد المسموح به فى العزومة متاح .. نزل بسرعة على محطة القطار
و حجز تذكرتين عشان يوصلوا قبل انطلاق مدفع الافطار.

عيون الريم
وصلتها رسالتى و كم كانت فرحانة بانتقال الدعوة اليها كضيفة
تم اختيارها من قائمة العشرة المسموح بهم مع عزومتى الرئيسية ...
و لكنى سمعت منها ضحكة خفيفة .. مع فرحتى بقبولها الدعوة الفرعية منى ...
كان سكوتى الرد .. نزلت بسرعة على محطة القطار و حجزت تذكرة
عشان توصل قبل انطلاق مدفع الافطار.

الحالم
وصلته رسالتى .. وافق .. سأل عن العنوان ... عرفته بعنوان القاعة الرئيسية
لمنتديات عبق الياسمين .. جهز الشنطة و نزل بسرعة على محطة القطار
و حجز تذكرة عشان يوصل قبل انطلاق مدفع الافطار

عزمى سلطان
وصلته رسالتى ...كان فرحان بشكل غير طبيعى قائلا ...
موافق يا عم بيرم ... اخيرا ح اقابلك و اشوفك وجها لوجه و اقعد معاك
و اتكلم و اكل كمان ..؟؟؟؟ هههههه
لا لا لا لا .. يا بركة دعا الوالدين ... انا باحب اشعارك يا استاذنا .. موافق طبعا ..
شئ يشرفنى و يسعدنى . نزل بسرعة على محطة القطار و حجز تذكرة
عشان يوصل قبل انطلاق مدفع الافطار

جوري
وصلتها رسالتى ... ولأنها صريحة مع الوالدين و الاخ ..
. قالت لهم سريعا و لثقتهم فيها ... وافقوا ... و نزلت بسرعة على محطة القطار
و حجزت تذكرة عشان توصل قبل انطلاق مدفع الافطار

و انتظرونى بعد اداء صلاة الجمعة
و وصول الاخوة الاعزاء الى القاعة الرئيسية لمنتديات عبق الياسمين

المصدر : منتديات عبق الياسمين

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )

آخر تعديل reda laby يوم 18-05-2018 في 11:56 AM.

8 أعضاء قالوا شكراً لـ reda laby على المشاركة المفيدة:
, , , , , , ,