انتى الخسرانه
لما سبتينى وروحتى لغيرى
انتى الخسرانه
بكره تيجى ليا تانى
وتقولى انك ندمانه
بتقوليلي ان قطرك خلاص فات ؟
واللى من سنك من زمان مات ؟
وايه يعنى لما ابقى عجوز
بس الحنين فى قلبى لسه صاحى
وليه بكلامك عن سنى تذودى جراحى
وتقتلى فى قلبى كل الذكريات
انا العجوز ايوه بعترف
انا اللى دايماً بشوف العتمه نور
وبخطى بعكازى اى سور
والدنيا بيا تلف تدور
والعمر اهو فات
انا عاشق بعشق اى قلب
وعمر ماتبت أبدا عن الحب
مهما عدت بيا السنين
دايما جوايا الحنين
سامحينى حبيبتى سامحينى
خبيت عليكى عمرى وسنينى
ليه هربتى ليه منى
ايه يعنى خبيت عنك سنى
ايه يعنى ابقى فى سن جدك
تسبينى وتروحى لشاب قدك
عمره ما يحبك زى حبى
عمر ما قلبه هيكون زى قلبى
عمره ما هيديكى زى حبى
انتى الخسرانه
انتى الخسرانه