من ام لابنها
بتلم ليه الهدمتين والطرحتين والشبشبين؟
ماتقوللي ياابني واخدني فين؟؟؟
علي بيت جديد؟!! ماانا ليي بيت
هو انا ياابني اشتكيت؟
مش عايزه ياابني بيت جديد....
البيت داهو انا عشت فيه خمسين سنه
مااعرفش غيره اي بيت؟؟؟
انا جيت عروسه صغيره
وقعدت فيه لما اتحنيت
مين اللي قال انا عايزه بيت!!
اسال بلاط الارض واسال كل حيط؟؟ ؟
مش عايزه غيره اي بيت؟!
انا عشت ياابني سنين هنا
واتمتي اموت برضك هنا
افتح عينيه كل يوم
واقغل عينيه كل يوم
علي فرشتي ومخدتي والبطانيه واللحاف
علي ايد ابوك بتضمني في صورة الزفاف
بتدفي قلبي وتحضنه في سنين عجاف
في الاوضه دي
انا لسه عايشه ويا ابوك عمري اللي فات!!!
اصل الحبايب لو سابوك
بيعيشوا فيك بالذكريات
خليني ياابني وياابوك اصحي وابات
واشم ريحته ف الحاجات
واعيش معاه باقي الساعات
مين اللي قالك.. انه مات
لسه البدل جوه الدولاب
جنب السرير اخر كتاب
نضارته اهي وعبايته اهي
ولسه سجادة الصلاة..
والسبحه فوقها منوره ف سنين عجاف
ولسه باسمع ضحكته وسط السكات
انا عايشه ياابني بحاجة ابوك متونسه
وبدخلتك ويا العيال متونسه
وانا عارفه ياابني ان خدتني البيت الجديد
رايحه اتنسي..
وانا يابني مش عايزه اتنسي؟!
ان كنت محتاج الوسع لحل العيال؟
هات العيال
انا عندي ياابني سريركبير
هرقد علي حرف السرير
وحاسيب لهم باقي السرير
وان كنت محتاج السرير؟
خد السرير!
ان شاء الله انام فوق الحصير
لكن انام وسط الامان
خليني ياابني ف وسطهم
قدرني واحده منهم
اصحي وابات علي حسهم باقي الزمان
ومهوش كتير؟؟؟
صدقني ياابني مهوش كتير!
انا مش هاعيش قد اللي عشته
ولا نفسي اعيش بعد اللي شفته
كمل جميلك.. واستر الباقي في حياتي
انا عمري ياابني قصاد عينيك..
فرطت ف امي او حماتي؟
ان كان ده مني في يوم حصل
انا كنت اقول باخد جزاتي
ماتقوللي ايه خلاني ياابني اهون عليك
وساحبني ويا الهدمتين
رايح تسلمني بايديك
فرطت ف امك؟... قوللي ليه
انا عمري يوم فرطت فيك
وان كان علي ضيق المكان
ماانا قلت لك خد السرير
وان كان علي ضيق المعيشه
ابوك سايب لي معاش كبير
قسمته ياابني من زمان.. النص لك..
والربع مصروف العيال
والباقي مصروف الدوا!!
لكن خلاص..
وحياة عينيك ماعاد حايلزمني الدوا
خد المعاش... كل المعاش!!!
لكن بلاش...
احسن احس ان ربايتي فيك
راحت بلاش
|
|
أبلغ عزيزًا فى ثنايا القلب منزله
أنى وإن كنت لا ألقاه ألقاه
وإن طرفى موصول برؤيته
وإن تباعد عن سكناي سكناه
يا ليته يعلم أنى لست أذكره
وكيف أذكره إذ لست أنساه
يا من توهم أنى لست أذكره
والله يعلم أنى لست أنساه
إن غاب عنى فالروح مسكنه
من يسكن الروح كيف القلب ينساه .
آخر تعديل أمير الليل يوم 27-09-2021 في 11:42 AM.