فطاير المحار / فعالية اطباق رمضانيه

السلام عليكم
وصفه اليوم طويله شوي لكن لذيذه وحتى الاطفال يحبونها
اول حاجه راح نسوي عجينة المحار
كاس ونص حليب سائل ننزل عليه ملعقتين خميره وملعقة بيكنج باودر
نحركه شوي ونضيف له بالتدريج كاسين طحين
واذا احتجنا نضيف عليها شوي ماي
نتركها تتخمر تقريباً ساعتين

نجهز اغراض الحشوه لبين ماتتخمر عجينتنا
رح نحتاج نسوي حمسة لحم ( حمسه عاديه مع بصل وبهارات )
ونقطع خيار وخس وطماطم ونبشر علبة جبن كرافت
( طبعا تقدرون تضيفون اشياء ثانيه تحبونها )

نرجع للعجينه
بعد ماتتخمر راح نفردهآ شوي بحيث انها ماتكون خفيفه
وراح نقطعها دوائر بكاس مثلا او اي آله تقطيع
بعدها راح نقليها
( طبعا راح تنتفخ معنا بعد القلي )
نتركها شوي تبرد ونبدأ نفتحها من الوسط
ونحشيها باللحم والاشياء اللي قطعناها
وننزلهم بصينيه فرن
اخر شي راح نحط عليها الجبن
وندخلها الفرن شوي عشان يذوب



وهني وعافيه على قلوبكم

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور