انته وانا عشقن مع الوقت مافاق

ابيات كيبورديه اضعها امام انظاركم علها تنال القليل من اعجابكم






العام ياحلو النبا دمث الاخلاق
بيني وبينك بالمواقف تحدي








اجيك انا مشتاق واتروح مشتاق
ماباح سدك لي ولا باح سدي








نوصل بحد افكارنا لين الافاق
مال الحلوم اليا انتشت أي حدي








نقطف من اورود الغلا كل مالاق
واتمد يدك وصل وامد يدي








ناقف سوا للي عذلنا على ساق
واخد من اجزال القصايد واودي








وانخيل في وقت الحيا كل براق
وانعدي اللي فالزمن مايعدي








ياما شربنا لذة الشوق ترياق
واتقول لي من سكرة العشق هدي








لاراق بالك بال من يعشقك راق
حتى العتب لحظه يمر ويعدي








نعيش لحظة طيش محمود واعناق
ودك تطفي نار شوقك وودي








ودي بوصلن مايجي بعده افراق
وودك بمدي يوم يعجبك مدي








ذوقي وذوقك تعتلي فوق الاذواق
واحساسنا حس الحبيب المودي








حتى مشاعرنا على بيض الاوراق
نعيشها مابين جزرن ومدي








انته وانا عشقن مع الوقت مافاق
وان فاق ماصار الشعور امتردي








نجمي تعلا وانت غرتك الاشواق
ليش التحدي منت يالترف قدي

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور