طريقة عمل ملوخيه بالجمبرى السويسى البلدى

المقادير
1 كيلو ملوخيه

4 حبات طماطم متوسطه

1 بصله كبيره

7 حبات ثوم كبير الحجم او اكتر لو صغير

1/2 كيلو جمبرى متوسط الحجم

♥♡♥

طريقة التحضير

نقطف الملوخيه كويس وناخد واحنا بنقطفها جزء
من العرق بسيط مع الورق علشان تعمل للملوخيه
عرق وبعد كدا نشوفها كويس ونصفيها ونفردها
على ورق جرائد فى مكان جيد التهويه علشان
تنشف ونقلبها او نغير الجرنال من وقت للتانى لحد
اما تنشف كويس بعد كدا نخرطها بالمخرطه كويس
قوى لحد اما تبقى صغيره جدا.
بعد كدا أجهز البصله واخرطها صغير وادقها فى
الهون علشان تدبل.
بعد كدا اجهز الثوم وادقه كويس واجهز الطماطم
واقطعها صغي
بعد كدا احط فى الحله شويه زيت مش كتير علشان

اشوح فيها البصله واحط معاها حبه ثوم صغيرين

واسيب الباقى وبعد كدا احط الجمبرى واقلبه حتى

لونه يتغير وبعدين احط عليهم الطماطم لحد اما تدبل

مع التقليب وبعد كدا احط المايه عليهم حوالى لتر مائه

واما تغلى اضبط الملح والفلفل الاسود وسبها تغلى

شويه على نار هاديه لحد اما الاقى البصل استوى.

احط عليها الملوخيه ونقلبها بطريقه الرب كأنى بربها

علشان الملوخيه ماتكلكعش وبعد كدا الاقى ثمكما

مضبوط تقيل شويه مش خفيف.

أكون فى نفس الوقت اخد الثوم واحده فى داسه
معاه شويه زيت واشوحه فيها لونه يكون بمبى

أخده احطه على الملوخيه بسرعه وهى ديه الطشه
وأسبابها تغلى دقيقتين وبعد كدا تطفئ عليها وما
اغطهاش لحسن العرق بتاعها يسقط وتبوظ وبالهنا والشفا.

منقول

♥♡♥

المصدر : منتديات عبق الياسمين

 

🍓





💕



💕

• في صمتي حكاية ......... وللحديث بقية