خليك فى البيت ( الحلقة الثالثة )

كل عام وأنتم بخير وسعادة ورمضان مبارك علينا وعليكم وعلي أمتنا الأسلامية وكما عودناكم كل عام نقدم لكم هذه القصص في صورة حكايات منفصلة مأخوذة من واقع الاسرة العربية والمصرية تحديداوهذا العام رأينا أن نقدم الحكايات التي تتعرض لحياتنا اليومية بما فيها من مشاكلل كل عام وأنتم بألف خير بسم الله نبدأ حكايتنا الثالثة أعطانى علاء التليفون قائلا ..ماما عايزة تكلمك فى الحقيقة استغربت من الطلب وقلت فى سرى من أمتى بتسأل علية.. وهى لا تطيق أن توجه لى اى كلمة حلوة وكل كلامها انتقادات ومصمصة شفايف على كل كبيرة وصغيرة أعملها فلا يعجبها شىء ولا يرضيها شىء قلت فى نفسى يمكن يابت موضوع الكورونا والحظر غيروها وهى شايفة ان فى الوقت ده الناس بتقول يارب سترك وارفع عنا البلاء . حتى ايام رمضان لما علاء يعزمها تفطر معنا وكنت أعمل كل ما لذا وطاب لأن علاء بطبيعته كان يحب أن يرى السفرة مملؤة بأصناف كثيرة من الطعام والحلوى وعلى الرغم من ذلك كان يأكل يدوب لقمتين ويقوم ليدخن سجائره وبالطبع لا يأكل الأكل البايت مها كان وبالطبع كنت أعطية لحارس المنزل . وكثيرا كنت أحدثة أن رمضان ليس بكثرة الطعام وهولا يحب التبذير رمضان شهرللعبادة والورع والدعاء لعل الله يغفر لنا ويتقبل صيامنا لكن هذا طبعة وكما يقول اتعودت على كدة فى منزلنا .. نعم الزمن اتغيركان زمان فيه بيت عيلة وبيتجمعواعلى السفرة فى رمضان وعشان كدة كان الأكل كثير لكن دلوقتى مابقاش بيت عيلة كل اسرة استقلت لوحدها فى منزل خاص بها والأكل على أد الأسرة ماعلينا .. على الرغم من كل هذه الأصناف كانت حماتى المصونة لا يعجبها الأكل وكانت توجه لى النقد واللوم لأنى لا أعرف اعمل أكل وماعنديش نفس فى الأكل مثلها ثم تسالنى عملتى الصنف ده ازاى اقول بينى وبين نفسى يمكن عجبها وهتقول لى تسلم ايدك ولما أوصفه لها كان ردها دايما صادم وتقول لى وهى بتمصمص شفتيها أه .. كنتى سألتينى وأنا أقول لك يتعمل أزاى تقولوش كانت شيف قبل كدة ... وهو فين الأكل ده هو ده اللى أنتى عملاه طبعا وعلاء ساكت لا يتكلم أو يعلق ولو بكلمة وأنا أتميز غيظا وأنظر إليها دون تعليق أو رد فهى برضة مثل والدتى وعلية ان احترمها كل اللى اقدر أعملة أقوم واترك الطعام فقد سددت نفسى بكلامها وتعليقاتها . تحدثت أليها وقلت يمكن عايزة تطمن علية وتكون أحداث الحظر وكورونا غيرت منها شوية وعرفت أن الكلمة الطيبة هى اللى دايمة طبعا اهلا ياماما أزيك عامله ايه وصحتك اخبارها أية .. رددت علية لا سلام ولاسؤال عن صحتى ولا جواب سيل من الأوامر خلى بالك من الأولاد .. يعنى انا مستنياها تقول لى .. واعملى كذا وكذا وكذا وانا اسمع ولا ارد مش عايزة تنسى ابدا أنى تزوجت أبنها رغما عنها فقد كانت تريد له بنت أحد صديقاتها وكأنها بتعاقبنى على كدة وفى الأخر قالت لى ان شاء الله هاجى افطر عندكم يوم وقفلت السكة وانا اقول بينى وبين نفسى مافيش فايدة ياكورونا عملنا حظر عشانك ومنعنا الزيارات لكن حماتى معندهاش حاجة اسمها كورونا ولا حظر .. وانتهت حلقتنا الثالثة وانتظرونا مع تحيات ابتسامة الزهر

روح انثى ,أنثى متمرده ,شغف ,مـخـمـلـيـة و 10 آخرون معجبون بهذا

رجب سر تعاستي ,شهقة موج ,نسمـة ,reda laby ,فريال سليمي ,уαѕмєєη..❀❀ ,طهر القلوب ,امير بكلمتى ,همس الروح ,عازف الليل مونامور

المصدر : منتديات عبق الياسمين

 

---

آخر تعديل ابتسامة الزهر يوم 28-04-2020 في 02:05 AM.