عاشق لبلدى

عاشق أنا يا بلدى يا أمى بأعشق سمارك بأعشق سماكِ بأعشق نيلك ونخيلك بأعشق شوك ورودك بأعشق جيلك بأعشق شبابك فى كل أرجاءك يا بلدى يا مصر بتهب بيا ريح الغرام بأفرد لها شراعى بألاقى قلبى مركب جوه نيلك بيخطط وبيرسم آمالك لو أبعد عنك قلبى بيناجيكِ وهنا فى غربتى بأحلم كل يوم بيكِ عشقتك يا بلدى وعشقت حكاويكِ هنا فى غربتى باغنى غنا ويكِ لما بيضيق بيا الحال بأفتكرك بألاقيك حضنانى ومش سايبانى بتواسينى وبتمدى ايدك وبتدلينى بألاقيكِ بتمسحى دمعه حايره فى عنيا بأقول تعيشى يا مصر فى عزه ونصر فى الغربه بأقولك يا أمى يا غاليه لما ماتت امى انتى حضنتينى وبنيلك رضعتينى وبشهامتك وطيبتك علمتينى مهو أنتى أمى ولا نسيتى أزاى ربتينى بأغنيلك تعيشى ليا يا أمايا حأجيلك وحشنى نخيلك والقعده عى شط نيلك على نجيلك خلاص راجعلك وتانى يا أما مش حأبعد عن نيلك بأعشقك وحأحنى نخيلك يا طاهره يا صابره يا صامده عشقتك يا بلدى يا أم نيل يملا الاوانى أبنك اللى حبك

محبه لربي ,احمد داود الطريفي ,كريزما ,سما الموج و 4 آخرون معجبون بهذا

نور القمر ,رهينة الماضي ,وهُــم . ,حسن الوائلي

المصدر : منتديات عبق الياسمين

 

---

آخر تعديل سما الموج يوم 18-02-2024 في 08:51 AM.