لما الفنان حسن يوسف اتسأل في احدي البرامج هل كنت تتوقع انه الفنان عمر الشريف هيمثل برا مصر وهيبقا النجم العالمي عمر الشريف؟
رد وقالها انه الفنان يوسف شعبان لما كان لسه في بداياته وكان مشارك معاهم في فيلم في بيتنا رجل مكنش مقتنع باداء عمر الشريف وكان شايف انه أدائه هادي جدا ومفيهوش حماس الشاب الثـ ـوري طبقا لتفاصيل الشخصية وساعتها حسن يوسف حس انه الكلام منطقي فا راح سأل عمر الشريف وقاله انت مش شايف انه أدائك هادي اوي بالنسبة للشخصية ومفيش صوت عالي ولا خطب ولا حماس فا الفنان عمر الشريف رد عليه وقاله انا بأدي دور عضو في خليـ ـة سـ ـرية مهمتها اغتـ ـيال مسئول كبير صح؟ فا رد عليه حسن يوسف وقاله صح .. قاله يعني انا لو في اجتماع سـ ـري والمفروض اني مستخبي من البولـ ـيس و زعقت بصوت عالي وقولت خطبة بحماس ومخبـ ـر معدي مش ممكن يسمعني او حد من الجيران يسمعني ويبلغ عني وباقي احداث الفيلم المفروض اني واحد هـ ـربان ومستخـ ـبي من البولـ ـيس حتي النفس معدود عليا يبقا ازاي هزعق واتكلم بحماس... ساعتها فهمت قد ايه عمر الشريف كان بيهتم بالتفاصيل وقولت له الفكر والكلام اللي بتقوله ده كلام فنان عالمي .. وقد كان
بالمناسبة الفنان يوسف شعبان فيما بعد عمل دور ظابط مخابـ ـرات فمسلسل رأفت الهجان و ادي الدور بمنتهي الهدوء وعمله علي أكمل وجه وبنفس فكر عمر الشريف اللي كان مستغربه في بداية مشواره الفني