مجموعة انسان

أنا طبعي عزيز النفس مهما دارت الافلاك
بمشي نفسي بكيفي أبد مااحد يمشيها

مهما الزمن يخفيك يا راعي الطيب
يبقى شذى طيبك على النفس طايب

وفي كل يوم تشرق الشمس وتغيب
تبقى رفيق الروح وان كنت غايب

في ذمة عروقي مداين من الشوق
وفي ذمتي عهد الوفا مانزعته
انت مدينة حب يغتالها الذوق
وانا وطن نبضي بنبضك زرعته

ليت بعض الناس يفهم كم ابيه
وليت يدري كم انا اوله عليه
لو نساه البال قلبي مانساه
نبض قلبي دايم ينادي يبيه
كل عمري ياعرب والله فداه
وكل ما املكـ انا فدوة عينيه

يانجوم الليل خلك شاهدة
وانت معها بالشهادة ياقمر
ان خلي قال كلمة واحدة
كلمة العشق الأكيد المستمر
قال احبك والأماني واعدة
ايه احبك يالغلا طول العمر

ودي بشوفك كل مااصبحت وامسيت
ممســاك فـي قلبـي وصبحـك بعينـي
ان قلـت احط بداخـل العيـن لك بيـت
خـايـف يحـول الرمـش بينـك وبينـي
وان قلت احطـك داخـل القلب عييـت
صعبه علي اخفيك عن شـوف عيني

غريب الدار

غريب الدار ومناي التسلي ** أسلي خاطري عن حب خلي
سمعت الشور من قاصر معرفه ** يحسب البعد عن داره يسلي

أسافر عنه من ديره لديره ** عساي اسلاه لكن ما حصلي
أهوجس فيه وأنسى إني نسيته ** وأفكر في ليالي(ن) قد مضن لي

وأنا لاجيت أبنساه إلتوابي ** خياله وأنهمر دمعي يهلي
وأشوفه واقف(ن) من دون دمعي ** حبيب القلب في عيني يهلي

دعاني ياغريب الدار عوّد ** ترى مالك محل إلا محلي
مكانك في عيوني ياعيوني ** وقلبي من غرامك مايملي

ياغالي الأثمان غلوك بالحيل

من يوم سمٌو بك جميل المحيا

شخص تمنيته على العدل والميل

والحمد لله يوم خلٌي تهيــــــــــــا

أشبهه باللي عسيف من الخيل

تلعب وأنا حبل الرسن في يديا

أورق غرامه مثل غرسٍ على سيل

مشهاة قلبي يوم جالي شهيا

أعنٌ له عنٌه هل الكيف للهيل

ماذاق راعي الكيف ذقته هنيا

حبه سرى بي سرية الغيم بالليل

نسيم شوقه قال للشوق هيا

من بادي الوقت هذا طبع الايامي
عذبات الايام ماتمدي لياليها
حلو الليالي توارى مثل الاحلامي
محظور عني عجاج الوقت يخفيها
اسري مع الهاجس الي مابعد نامي
واصور الماضي لنفسي واسيليها
اخالف العمر اراجع سوالف اعوامي
وانوخ ركاب فكري عند داعيها
تدفى على جال ضوه بارد عظامي
والمايسوق بمعاليقي ويرويها
اذا صفا لك زمانك عل ياضامي
اشرب قبل لايحوس الطين صافيها
الوقت لو زان ياصاح مادامي
ياسرع ماتعترض دربك بلاويها
حتى وليفك ولو هيم بك اهيامي
سيور الايام تجنح به عواديها