مجموعة انسان

ودي احطــــــــك من الولـــه يا غزالي
في داخل عيوني واغمــــــــض جفوني
واسرح واســــافر بك لدنيا خيـــــــالي
واقطف لك ازهار الفرح من غصوني

فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

حبيبي صار لي مده اشوفك تايه وحيران
وانا والله لو شفتك حزين تزود احزاني
انا احبك ولا ودي تعيش بدنيتك ندمان
ترى الايام محسوبه وتالي ذا العمر فاني
تصدق بسمتك والله تفرح خااطري الولهان
يطير من الفرح قلبي واصير بعالم ثاني

أجلس لحالك .. عن هذولا وذولاك
وأنا ومكنون الجــــوارح حلالك
يهواك قلب ٍ كل ما قلت يهواك
نبض لك ولمـّك وحطــّك وشالك !
جابوا مجالك قلت يا حيّ طرياك
وطرياك لو يقصر .. يطوّل مجالك
ناس ٍ تسولف بك وتقفي وتقفاك
ويخيب فال الناس .. ويطيب فالك
نم ٍ تمثناني .. و نم ٍ تمثناك
ماعاد فيها قول ( مالي ومالك ) ؟
ترا المحبّه متعبه لا عدمنــاك
أمـّا كذا وألاّ فـ لاهي كذلك
أحـّرفك فـ البال واكتبك واقراك
والحبّ كلمــه بين بالي وبالك

الى متى من دون تفكير اناديك
احسبك عندي وانت يابعد ممشاك
لو صار شوفك صعب ماني بناسيك
ولو حال دونك ياس مو ممكن انساك
لو عشت طول العمر بالروح افداك
غالي وتسوى بالغلا عين مغليك