جيتك وعندي حاجتن بين اياديك

..
منهار جيت العام تسبق خطاويك
واليوم ماكنك قبل جيت وانهرت

في ذمتك لا من تذكرت ماضيك
من يطري في بالك اليا من تذكرت؟


من كثر مافكرت وشلون ارضيك
معاك في نفسي ولا يوم فكرت

على كثر ما كنت متمسكن فيك
وعلى كثر ماحتجتني ما تعذرت

جيتك وعندي حاجتن بين اياديك
والمشكله تقدر عليها وقصرت !

رح بشر اللي ملتفتلك يناديك
قله تركته لخاطرك ما تأخرت

صدقني انها غلطتي يوم اداريك
والا انت لو لا غلطتي كان ما صرت

كبرتك بعين البعيد وحواليك
ابيك تكبر والمصيبه تكبرت


حاولت اغير فيك من كثر ماغليك
قدرت لكنك عليه تغيرت

- ثآمر شبيب -

المصدر : منتديات عبق الياسمين

 

لااحلل نقل مدونتي وكتاباتي ..
كونوا اسمى من ذلك آحبتي ]





نحن وإن جار الزمان لبرهة.. نبقى الكبار وغيرنا أقزام
ما ذنبنا إن كان يشعر أننا أرقى.. وأن مكانه الأقدام