الكشري المصري على أصوله بالدقة والتقلية

طبق اليوم من أشهر الأطباق المصرية الشهية ، تعالى نقدم طبق الكشرى اللذيذ بالدقة والتقلية على الطريقة الصحيحة .
طعم خطير جدا يحبه الجميع . لو بتفكرى فى التغيير وكمان تكون أكلة اقتصادية وعلى قد الإيد يبقى أكيد هتعجبك طريقتنا .
مذاق بيشهى ولا أروع منه .

الكشرى اللذيذ بالدقة والتقلية
المقادير :
2 كوب أرز مغسول
كوب عدس بجبة
4 كوب ماء
1/2 كيلو مكرونة صغيرة
2 وحدة بصل متوسطة الحجم شرائح لعمل “التقلية”
4 ملاعق كبيرة زيت
ملح وفلفل
الصلصة:
ثوم مفروم
2 ملعقة كبيرة زيت
كوب ونصف عصير طماطم
معلقة كبيرة خل
ملح ،فلفل ،شطة
طريقةالتحضير:
يتم غسل العدس جيداً ، ويصفى في مصفاة علشان ينزل ميته، وبعد كده نقيه كويس.
ضعى الزيت في حلة على نار متوسطة لغاية ما يتقدح، وبعد كده ضيفى البصل وقلبيه في الزيت لغاية ما لونه يبقى ذهبي أو بني فاتح.
انقلى البصل من على النار وضعيه على مناديل ورقية علشان تشرب الزيت.
ثم ضيفى العدس في نفس القدر اللي عملتي فيها البصل، مع التقليب جيداً مع الزيت، وضاف اليه الماء ويتبل بالملح والفلفل، ثم اخفضى درجة الحرارة ويترك لمدة 25 دقيقة أو حتى تمام النضج .
يضاف الأرز ويقلب جيداً مع العدس، ويتبل بالملح والفلفل والكمون، ويترك على نار هادئة حتى تمام النضج ، من الممكن اضافة الماء عند الحاجة .
تسلق المكرونة فى هذه الأثناء وتترك جانباً .
الصلصة:
سخني الزيت على نار متوسطة، وبعد كده تضاف عليه الثوم وقلّبيه في الزيت لمدة دقيقتين، وبعد كده ضيفي عصير الطماطم ومعاه الملح والفلفل والشطة، وتترك على نار متوسطة لغاية ما تبدأ في الغليان، وبعد كده هدي النار عليها وسيبيها لمدة 10 دقائق.
ثم يضاف الخل ويترك لمدة 5 دقائق ،أو حتى نضج الصلصة .
التقديم :
يوضع الأرز والعدس أولا ، ثم كمية من المكرونة، وعلى الوجه يضاف صلصة الطماطم والتقلية (البصل المحمر) ويمكنك اضافة حمص الشام المسلوق .
وبالصحة والهنا …

المصدر : منتديات عبق الياسمين