| الأدارة ..♥ |
| ❆ فعاليات عَبق الياسمين ❆ | |||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||
| موده ورحمه✿ سلوكيات الح ـياه الزوجيه ِِ وطريقة التعامل بين الزوجين ﹂ ✿ |
 |
|
#1
26-10-2017, 06:32 AM
|
|||||||||||||||||||||||||||||||||||||||||||||||||||||||
نصائح أمير الغرام للنساء ( بعض مفاتيح الرجال )
نصائح أمير الغرام للنساء ( بعض مفاتيح الرجال ) بتحاولوا تفهموا الرجالة و عشان في الغالب مفيش طريقة معينه لفهم الرجالة بس في شوية حقايق لازم تعرفيها عنهم ودى تنطبق علي المعظم وليس الكل اول حاجه في ارتباط كبير بين الراجل و الكنبة اللي قدام التليفزيون متحاوليش تزحزحيها من مكانها كدة هتبعد عن الفيشة و مش هيعرف يشحن موبايله بلاش مشاكل في ارتباط و ثيق بين ايد الراجل و الريموت او ايده و دراع البلاي ستيشن متحاوليش تتدخلي ما بينهم متحاوليش تقوليله هات اي حاجة من التلاجة ولا حتي قميصك الازرق من رف الدولاب اللي في النص انسي مش هيشوفهم باب التلاجة او الدولاب بالنسباله فتحة علي العدم و الظلام عادي جدا ان يبقي في اكلة بيحبها جدا و ييجي يوم تعمليهاله يقولك ايه ده انا مبحبش الاكلة دي اصلا متتخضيش هو كويس هو بس مالوش مزاج ليها او زهقان منها بطلي تعمليها فترة كدة و هو هيسألك عليها بنفسه مش معني انه قالك بلاش ننزل النهاردة عشان مش قادر يبقي مش هينزل لما صاحبه يكلمه يقوله علي بولة الاستيمشن اللي علي القهوة هو مش قادر علي الفرهدة بتاعت اللف علي المحلات و الشوبنج بتاعكم بس قاعدة القهوة بالنسباله مريحة زي قاعدة الكنبة اللي قدام التليفزيون بالظبط مهما تكوني متضايقة او زعلانة لو سألك مالك و انتي قلتيله "مفيش حاجة" هيصدقك فمتفتكريش انه واخد باله و مطنش هو فعلا مصدقك لما تكونوا في مكان زحمة و فيه ناس كتيير لو لاحظتي ان في واحدة واخدة بالها منه شويه او مركزة معاه اوعي تتخانقي او تعملي مشكلة هو اصلا مش شايفها بالعكس كده بتلفتي نظره لها التفاصيل الصغيرة دي انتي و هي بس اللي بتشوفوها الرجالة ما بتشوفهاش هو مش زهقان منك و لا مش عايز يتكلم معاكي هو بس مش بيعرف يركز في كذا حاجة مع بعض استني لما الماتش يخلص او الفيلم او حتي لما يربط رباط الجزمة و قوليله اللي انتي عايزاه كده هيركز اكتر و على فكرة لما ييجي يقولك انتي اول مرة تقوليلي الكلام ده" هو مش بيكدب هو فعلا مسمعهوش عشان كان بيعمل حاجة تانية او كان بيتفرج عاي الماتش وقت مقلتيهوله فى فرق بين طريقة تفكير الست والرجل دماغ الست عباره عن شبكه متصله يعنى ممكن تفكرى فى 100 موضوع مع بعض وتربطيهم كمان ببعض الرجاله غلابه ميعرفوش يعملوا كده لان دماغهم عباره عن صناديق منفصله وبيفتح صندوق صندوق ميعرفش يفتح اتنين مع بعض عشان كده وهو بيتفرج على حلقه مصارعه ولا ماتش ولا فيلم اكشن هتكلميه مش هيرد عليكى مش عشان هو مش مهتم بيكى تؤتؤ عشان هو مش سامعك اصلا هو فاتح صندوق الماتش دلوقتى وميعرفش يفتح غيره فمتزعليش منه ولما تكلميه وهو ف شغله وتلاقيه بيقفل معاكى برضو متزعليش هو ميقصدش يزعلك هو مركز فى حاجه واحده بس دلوقتى اللى هى الشغل كمان لو بتشتروا لبس يبقى عايزك تجيبى من اول محل واول حاجه تقابلك لانه عملى ومبيهتمش بالتفاصيل مش زيكم لازم تلفوا على كل المحلات وف الاخر نرجع لاول محل هو بينجز وعملى وملوش ف التفاصيل وعشان ملوش ف التفاصيل متزعليش لما تغيرى حاجه ف ديكورات البيت او تقصى شعرك ومياخدش باله ولا يقول اى كومنت هو مش شايف الفرق اصلا سبحان الله ربنا خلقنا مختلفين لكن بنحب بعض سبحان الله لازم نحاول نفهم علي اد ما نقدر عشان نعيش مرتاحين و دمتم بكل خير أمير 
 أبلغ عزيزًا فى ثنايا القلب منزله أنى وإن كنت لا ألقاه ألقاه وإن طرفى موصول برؤيته وإن تباعد عن سكناي سكناه يا ليته يعلم أنى لست أذكره وكيف أذكره إذ لست أنساه يا من توهم أنى لست أذكره والله يعلم أنى لست أنساه إن غاب عنى فالروح مسكنه من يسكن الروح كيف القلب ينساه . 
الساعة الآن 03:07 PM
| |||||||||||||||||||||||||||||||||||||||||||||||||||||||
عضويتي 
مواضيعيٌّ
.gif "100 (109)")
.gif "100 (11)")
العرض العادي
