"حلوى الحليب..🧡🥮"
#المكونات
125 جرام من الزبدة
1 كوب من الطحين
1 لتر من الحليب
1,5 كوب من السكر
1 باكيت من الفانيليا
#للتزين
قرفة
#طريقة_التحضير
- بالبداية هنضيف في طنجرة مناسبة الزبدة ونضل نحرك الزبدة لحتى تذوب معنا على نار متوسطة و لحتى ما تحترق
- بعدين هنضيف الطحين و نحركهم مع بعض لحتى يتغير معنا لون الطحين و تقريبا لمدة 4 5 دقائق وننتبه أن تكون النار على درجة متوسطة لحتى ما ينحرق معنا الطحين و من أهم الخطوات بهي الوصفة انو الطحين يشرب الزبدة منيح من غير ما يحترق
- و هلق هنضيف الحليب و نحن عم نضيف الحليب لازم نضل نحرك الخليط لحتى ما يصير في كتل
- و نضيف السكر و نحرك المكونات كلها مع بعض لحتى تجهز معنا الحلوى و تصير بالقوام المناسب
- نشيل المهلبية عن النار و نضيف باكيت الفانيليا و نخفقهن بالخفاق الكهربائي و كل ما نخفق اكتر كل ما صار القوام احسن
- وهلق هناخد قالب مناسب و نبللوا بالماء ونضيف علي الحلوى اللي جهزناها و نمدها بشكل متساوي و مقاس القالب 22 سم
- هنترك الحلوى على جنب لحتى تبرد معنا بعدين نحطها بالثلاجة لمدة 2 3 على الأقل لحتى تتماسك مع بعض منيح
- و لما تجهز و نطلعها من الثلاجة هنحاول بأيدينا نبعدها عن الأطراف لحتى تطلع معنا بسهولة و نقلب الحلوى في طبق التقديم و نزينها بالشكل اللي نحبه
- انا هزينها بالقرفة بس لحتى اعطيها شكل جميل رح اخد قطعة من ورق الزبدة و قطعها بالطول و رح صف ورق الزبدة على القالب بشكل متساوي و نترك فراغات متساوية و اخد القرفة ورشها على الحلوى لحتى تغطي كل الفراغات الموجودة
- و هلق هشيل قطع ورق الزبدة اللي حطيناهن على مهل لحتى ما نخرب المنظر اللي عملنا و بنفس الطريقة ناخد قطع ورق الزبدة و نحطهن بالعرض و نترك فراغات متساوية و نرش القرفة بكل مكان
- و اخيرا نشيل قطع ورق الزبدة و نقطع الحلوى و نقدمها بالشكل اللي نحبه
"وبألف هنا..
16-11-2022, 11:06 PM
عضويتي 
مواضيعيٌّ
.gif "100 (106)")
.gif "5ajle (79)")
العرض العادي
