| الأدارة ..♥ |
|
|||||||
| سولاف الخواطر والقصيد وغيم حرف ممنوع المنقول با اقلامكم فقط✿ للخَواطِر مسرحاً مكشوف ترَقص فيه النُجوم أي نص سبق له النشر خارج مملكة عبق بقلم العضو ﹂ ✿ |
|
#1
21-02-2019, 08:50 PM
|
|||||||||||||||||||||||||||||||||||||||||||||||||||||||||
لوكان امي بالبكاء تنجاب ...
رحمك الله يا والدي و اسكنك فسيح جناته .. بعد ستون يوما بالتمام و الكمال .. لحقت بك زوجتك التي كان املنا كبير في ان تعوضنا عن فقدانك و لكن لله ما اخد و لله ما بقى .. ادعوا الله عز و جل ان يسكنكما جنات الفردوس .. و لكثر معزة ومحبة امي في قلبي فقد رثيتها بهذه القصيدة .. لو كان امي بالبكاء تنجاب ... لو كان امي بالبكاء تنجاب .. انديروا عليها ادموعنا ميــــــــــزاب لو كان البكاء بيجيـــــــــــب .. انجيب كل صاحب و انجيب كل حبيـب و يبقوا امعايا دايرين نيحيب .. لين انسيل الوادي و ترتوي لشعـاب و يبقن عيوني كانها اموازيب .. يسقن الارض و ينبت الحـــــــزاب ***** آآآآآآه .. يامي .. لو كان دمع العين ليك يـــــــــرد .. انصبوا عليك ادموع مالها حــــــــــد و تبقى الزابع نازلة على الخــــد .. مثل مطر نازل من غزير سحـــــاب و انادي على جميع الناس ونلمـد .. و يبقوا امعايا دمعهم مسكــــــــــاب لو كان يايما الدمع يوم يــــرد .. ما في حد في الدنيا فقد لاحبـــــــــــاب *** آآآآآآه .. يامي .. قالوا امك ماتت ما عرفت ايش هي الاسباب ؟!! قالت ما قدرت تصبر على وليفها اللي غـــــاب .. ايجي وقت نجهل و ندور الاسباب .. ونرجع نستغفر الله ربنا الثــــــــــواب و اوقات نجدهل وندخل علم الغيب .. ونرجع نرضى بحكم ربنا الوهــاب و اوقات نغشى و الهواء بيغيــــب .. و اوقات تسمع صوتي قوي لبــــــلاب اوقات يشوفن عيوني شي غريــــب .. و اوقات نشوف زولها متكي على الباب وين راقدت وجدت طيفها حدايا قريب.. و وين قمت وجدت النظر كــــــذاب .. الله يبعد الشيطان جاب سريب .. ايخطر اعزاز في يوم كانــــــــــــــوا قراب عشنا في حضنك في حنان حبيب .. و ناخد برأيك و دايم يكون صــــــــواب *** آآآآه ه لو كان !!.. لو كان امي بالبكاء بتعــــــــود .. نبكي عليها ابكاء مالو حـــــــــدود و يبقى الدمع يجري على لخدود .. لين يبهتن و نورهن يشهــــــاب ونقعد 12 يوم بالمعــــــــــــــدود .. لا ناكل اكل و لا نذوق شــــــراب لين حبيبت القلب لي تعـــــــود .. تحكيلي على موتها وعلى الاسبـاب ولكن ما ريت من بنوعليه لحود .. و رجع لــ بيته بعد طول اغيـــــاب و الدنيا يا حبابي من قديم تلـود .. تلين اجروح الناس بعد ما يطيــــــاب اوقات صقع بحري فيه ارعــود .. و اوقات قبلي سامري لهــــــــلاب اطفال كثر ابوهم و امهم مفقود .. لهم وقت ما طق طق عليهم بــــــــــاب امغير ريح تجيب كل رعــود .. و نار في قلوبهم جمرها مشهـــــاب ياسالم كان عكسن الايام كون صمود .. صعيب كسرك قوي على الصباب .. و يا سالم احسب وراك الحود .. و ياسعد من صلى وعن المعاصي تــــاب.. في جنة الفردوس مقامك طاب .. عند ربنا الله الخالق الثــــــــــــــــــواب الله يرحمك يمي ما يمر سحــاب .. وما استفغر ملك لعبـــد تــــــــــــــاب الله يرحمك ما هب نسيم بـــرود .. و ماطلعت شمس وغابت خلف اتباب الله يرحمك بعدد ماله حــــدود .. و تدخلي الجنة الرحمن دون حســــاب وصلاتي على المختار دوم بزود .. شفيع امته يوم يجي الحســـــــــــاب اللهم اغفر لــ امي و ابي و ارحمهما و اادخلهما جنة الفردوس ياااااارب العالمين .. بقلم / الامير سالم .. 
 
آخر تعديل جوري يوم 02-03-2019 في 07:19 AM.
الساعة الآن 12:55 AM
| |||||||||||||||||||||||||||||||||||||||||||||||||||||||||
عضويتي 
العرض الشجري
