| الأدارة ..♥ |
| ❆ فعاليات عَبق الياسمين ❆ | |||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||
| عبق التربية والتعليم ✿ خدمـةْ طُـلآبْ آلمدآرسْ و آلجـآمِـعـآتْ و لجميع اللغات ﹂ ✿ |
 |
|
#1
03-09-2017, 10:12 PM
|
|||||||||||||||||||||||||||||||||||||||||||||||||||||||||||
تعلم اللغة الكورية بشكل مبسط ، 같이 공부하자
بسم الله الرحمن الرحيم
الفصل الأول : الحروف الكورية وتعلم القراءة الجزء الأول : الحروف الساكنة والمدود في البداية أرحب فيكم في بداية الرحلة وأحب أطمن كل من يقول إن الحروف الكورية صعبة إن حروف هاللغة تعتبر من أسهل الحروف اللي ممكن تمر عليكم .. إضافة إلى إنها قليلة احم ما علينا ابدأ بسم الله يبلغ عدد الأحرف الكورية 24 حرف منها 14 حرف ساكن والآخر متحرك ( مد ) الأحرف الساكنة هي : ㅂㅈㄷㄱㅅㅁㄴㅇㄹㅎㅋㅌㅊㅍ والأحرف المتحركة هي : ㅛㅕㅑㅗㅓㅏ ㅣㅠㅜㅡ راح ابدأ بالحروف المتحركة حرف بحرف : أول شي ابدأ بهالحرف ㅏ كونوا منتبهين على مكان الخط العرضي اذا كان يمين أو يسار لأنه يختلف إذا كان الخط العرض عاليمين إذاً فهو مد بالألف أما إذا كان الخط العرضي عاليسار مثل هذا ㅓ فهو مد الواو بسسسس ينطق كطريقة لفظ المد في كلمة "روج" أو "كمارو" او " همتارو" الحرف الثالث هو ㅣ اللي بدون خط عرضي فهو مد بالياء أو مثل الـi نيي حق الحرف الرابع : ㅑ لاحظو إن نفس الحرف الأول بس بزيادة خط عرضي إضافي وبجذي ينطق يا أما إذا كان العكس ㅕ فينطق مثل كمارو بس بزيادة الياء قبل الواو ( بنفس طريقة المد ) في عندكم هالحرف : ㅜ هذا ينطق وو أو u يعني لمن تقولون Dongwoo فانتو قاعدين تلفظون هالمد بعدها ايي : ㅠ بزيادة الخط العمودي ينظاف حرف الياء يوو مثل لفظ كلمة you بالانجليزي أو لمن تلفظون اسم فرقة يوكيس بعدهم حرف : ㅗ مثل نطق حرف الo بالانجليزي بس مادري ليش بوايد مواضع ينطقونه مثل نطق هالحرف ㅜ ما علينا بعدها ايينا : ㅛ بما إن انضاف هالخط فاحنا بعد نضيف الياء << شكلكم ماشين معاي عالخط عددل hap: واخيرااا وليس آخرا الحرف اللي مادري شلون بشرحلكم ياه : ㅡ شوفو .. قولوا انستغرام بس بدلو الغين بالئـ قولوا اسماعيل بس لا تكسرون الألف حيل شوفو وجه الشبه بالنطق بين الانسئرام و اسماعيل وإن شاء الله تلقطونه إن شاء الله راح احطلكم فيديو للنطق بهالحروف الحيييين نيي للحروف الساكنة ابدأ بهالحرف ㅇ هالحرف له نطقين << لا تخافون مثل ما احنا عارفين ان بعض الكلمات تكون بهالشكل 알 أول هالشكل 읽 راح اسمي كل واحد فيهم بـ(مقطع) لأن ممكن الكلمة الكورية تتكون من أكثر من مقطع الكلمة الأولى عبارة عن 3 حروف متجمعة والثانية 4 حروف متجمعة المغزى ورا كلامي شنو ؟ الحرف ㅇ إذا كان في بداية المقطع مثل اللي فوق 알 أول 읽 فهو ساكن وينطق على حسب المد اللي بعده مثال : 알 تنطق آل aal والثانية : 읽 تنطق إلْق ilg عشاان جذي يا جمااعة مستحيييل تلقون كلمه بدايتها مد جذي ㅏ بدون ال ㅇ لأنه يعتبر مثل الهمزة عندنا طبعا هالموضوع يمشي إذا كان في بداية المقطع بس ولكن إن كان في نهايتها .. فينطق نق ، ng يمكن راح تستغربون بسس هالحرف ماكو احد فينا ما استخدمه إذا كان يتابع مسلسلات يعني لمن تقولون سرانقهييي اوووبا فانتو قاعدين تستخدمون هالحرف 사랑해 جذي تنكتب سرانقهي لاحظو وين مكان الㅇ لأنه تحت فنطقناه نق 사 랑 해 سا رانق هي بالمختصر اذا كان ㅇ تحت بالمقطع فنطقه نق اما اذا فوق فساكن نروح للحرف : ㄴ هو حرف النـون ( نـ ) لاحظو الشبه شيلوا النقطة وعكسو الحرف العربي اللي بعده حرف : ㄷ هالرف هو حرف الدال ( د ) حط خط فوق الدال وعكسوه راح يشابه الحروف الكوري نيي للحرف : ㅌ يشبه حرف الE بالانجليزي بس نطقه يختلف هالحرف اهو حرف التاء بس في استثاء بنطقه : اذا يه بعد هالحرف مد بالياء راح ينطق چ ch يعني لمن يقولون كااجي قاا .. ( خنروح مع بعض ) جذي تنكتب 같이 الㅇ ساكنة لأنها ببداية المقطع حرف : ㄱ اهوه اصلا ( g ) بس ساعات تلفظ كاف مثل هالجملة 같이 가 كاجي قاا نفس الحرف ولكن اللفظ اختلف .. ماله قاعدة محددة بس مع الممارسة راح تميزون بس هالنقطة مو وايد مهمة أصلا نيي حق هالحرف : ㅋ يشابه اللي فوق بس مع زيادة خط هالحرف يلفظ كلفظ ( الكاف ) الحرف اللي بعده : ㅈ هذا الحروف يلفظ ( تش ) وقريب من ال ch بس بنفس الوقت ساعات يلفظ كحرف الجيم كاااجييماااا~~ ( لا تروح )가지마 واللي بعده : ㅊ نفس اللي فوق بزيادة خط وينطق چ ( ch ) وصلنا للحرف : ㅅ اهو باختصار حرف ( السين ) بسس اذا كان في نهاية المقطع ينلفظ ( تاء ) هالكلمة 웃 معناتها ملابس واتوقع الحين تعرفون تقرونها اووت << هذا نطقها نروح للي بعدو : ㅁ هالمربع ينطق كحرف ( الميم ) اومما 엄마 ~~~ اللي بعده حرف : ㄹ هالحرف له لفظين وماله قاعدة معينة مع الخبرة راح تشوفين نفسج تعرفين مت تستخدمين اللفظين الفظ الأول اهوه ( اللام ) والثاني ( الراء ) لاحظوا ان اللفظين حيل قراب من بعض والربع جمعوهم بحرف واحد بعده : ㅎ هذا حرف ( الها ) هـ << احس بينهم شبه شوي هالموووني ( يدتي )할머니 ~~~~ بعديييين : ㅍ هذا حرف الـ( p ) واخييرا وليس اخرا : ㅂ هذا حرف ال(باء) بس ساعات ينلفظ p مثل باالي 빨리 << يعني بسررعة أو (ميم) مثل جيسونقهامنيدا 죄송합니다 فيه نقطة ما ذكرتها وراح أذكرها بعدين لأن أحس هذا كافي لأول بوست وهذا اهوه الفيديو تابعووه كثر ما تقدرون لأن مهما كان الشرح الكتابي مميز يظل الاستماع العامل الاساسي والمميز لأي شخص حاب يتعلم أي لغة .gif "200 (9)")
الساعة الآن 07:14 PM
| |||||||||||||||||||||||||||||||||||||||||||||||||||||||||||
عضويتي 
مواضيعيٌّ
العرض العادي
