| الأدارة ..♥ |
|
|||||||
| عبق أقصوصة من زبرجد حكاياتكم ✿ خاص بفيض إبداعاتكم الحصرية والغير حصرية بأقلامكم فقط ﹂ ✿ |
 |
|
#1
10-01-2018, 03:03 PM
|
|||||||||||||||||||||||||||||||||||||||||||||||||||||||||
بيت من الطين ( الجزء السابع والاخير )
الجزء السابع تذكير بالجزء السادس فقالت ام سالم : انت تتعب نفسك يالولدي حنا بخير بفضل الله ثم فضلك واختك نوره ماتقصر ماتدخل البيت ولا في يدها خير كثيير بس يالولدي انا في خاطري شئ الجزء السابع يالولدي انافي خاطري ترتاح وتنتبه لشغلك وتخلي هذي المسكينه نوره تروح لزوجها ولشيبانها قال جاسم : ياام سالم انا منتبه لشغلي واعمالي ونوره هي الوصل اللي بيني وبينكم ومانبغي حكي الناس اللي ماله داعي ونوره فتره بسيطه لين يرجع ابوسالم من السفر وترجع لزوجها قالت ام سالم : ياولدي ودي اسألك ومستحيه منك ابوسالم يكلمنا يقول انه طيب وبخير ودي اسألك عن مرضه وعن علاجه يوم انت متابع حالته قال جاسم : يام سالم سرّك حال ابوسالم طيب وبخير وتقاريره كل اسبوع تجيني وصحته في تحسن والله يقومه بسلامه في بيت ابوسالم حصه : اسمعك تكلمين مع جاسم عن ابوي ابوي عسى مافيه شئ ام سالم : لا يابنتي ابشرك ابوك طيب وبخير واسأله عن كيف حالته لانه هو اللي يتابع حالته في الخارج وابوك تعرفينه مايقول شئ الا انا طيب وبخير فحبيت اسال جاسم عن حالته الصحية وبشرني الرجال ان ابوك طيب وبخير حصة : الله يسلمه والله يقوم ابوي بسلامه . يمه الاختبارت النهائيه على الابواب وماقدرت اذاكر فكري كله مع ابووي ومشعلني ام سالم : حصووه ابوك بس المشغل بالك متاكده ولا ...... حصة : يام سالم فكري والله انه مع ابوي الحين واللي في بالك صحيح بس ابوي فديت تراب ارجوله هو اللي شاغل فكري. ام سالم : مرّت على حصه وتضربها بكتفها وهي تقول بس ابوك وهي تضحك حصه : يمه صدقيني مو وقت مزحك الثقيل في هذي الاثناء الا نوره داخله عليهم وشافت ام سالم وحصه يضحكون وكانها وحده من العايله قالت نوره : يارب الضحكه تدووم وبرجعه ابوسالم لكم قالت ام سالم : نوره سمعتي حصووه شتقول نوره : ويش تقول حصه : يماااااه قالت ام سالم : تقول ان الامتحانات قربت وان فكرها مشغول في أبوها بس قالت نوره : وهي صادقه مسكينه البنيه تفكر في ابوها المريض ولاهي في حال شئ ثاني ولا احط في ذمتي شئ يام سالم حصه : نوير انتي مع ام سالم اجتمعتوا ويش يفكني منكم اقول اخليكم اروح افتح لي كتاب ابرك من سوالفكم اللي مالها معنى وهي تضحك ضحكوا كلهم مع بعض الثلاث في المستشفى في الخارج ابوسالم على السرير الابيض مركب عليه مغذي وحالته الصحيه مستقره بصدفه كان معه منووم شخص اسمه علي فاذا ضاق ابوسالم راح يزور علي . وعلي بالمثل دخل علي على ابوسالم وشافه ضايق وشارد الذهن وكان يناديه يابو سالم !! يابوسالم وبوسالم مالقى له باال فحركه بيده فنتبه ابوسالم قال سم قال علي صارلي ساعه وانا اناديك ماترد علي. قال ابوسالم ياخوي لاتواخذني راح فكري عند عويلتي واشتقت لهم. قال له علي هانت يابوسالم راح الكثير مابقى الاالقليل قال ابو سالم صدقت بعدها اعتذر ابوسالم لعلي من عدم الرد عليه يوم كان يناديه قال له علي هذي مرينا فيها وانا اخوك في هذي الاثناء دخلت الممرضه عليه فقالت صباح الخير ردوعليها صباح النور وعطت ابوسالم الدواء وجلست تشيك على الحراره والضغط وطلعت الممرضه فقال علي يابوسالم حنا هنا اكثر من اخوان وصحيح مهوب ناقصنا الا شوفة عيالنا وربعنا ضحكوا شوي مع بعض. في مكتب جاسم جاسم في مكتبه يرن تلفون المكتب جاسم : الو يس دكتور الدكتور : حاله ابوسالم مستقره الحين ويقدر يخرج من المستشفى جاسم : طيب يالدكتور واشكرك على جهودك معنا في علاج ابوسالم الدكتور : لا شكر على واجب انتهت المكالمه مع الدكتور واخذ جاسم جواله واتصل على نوره جاسم : الو وينك في البيت نوره : لا عند عمتي ام سالم صوتك فرااحان فرحني معك جاسم : ابشرك ابوسالم خلص علاجه وهو طيب وبخير واسمحوله بالخروج من المستشفى نوره : من فرحتها لولشت وتضحك وعندها ام سالم وحصه الله يبشرك ياخوي ابشر بابشرهم ام سالم : نوير وشفيك تلولشين تشوفينا في حاله فرح وابونا منوم في الخارج نوره : ابشركم ابوسالم طيب وبخير واسمحوا له بالخروج من المستشفى حصه : بدون شعور لولشت وتضحك وتقول الله يخلي لك جاسم والله ماننسى فضله علينا بعد الله ام سالم : الله يبشركم بالخير صدقتي بابنتي جاسم فضله علينا بعد الله نوره : جاسم ماسوى شئ وماسوى الا الواجب سمعت ريم وسالم الولاش فطلعت من حجرتها قالت من تزوج حصه انخطبت من جاسم هنا وجه حصه صااار احمر من الخجل وبكت وراحت مسرعه لغرفتها ام سالم لا يابنتي ابوك طلع من المستشفى وبيجي قريب ريم : طيب ليه حصه راحت لغرفتها تبكي نوره : فيها انك احرجتيها يام لسانين وراحت نوره وراها لغرفتها وشافتها منسدحه على سريرها وتبكي من احراج اختها لها ومن فرحتها بابوها وسلامته ماعليك من كلام ريم حصه : وصوتها مبحوح ومتقطع من البكى انا ماعلي من ريمووه بس انحرجت وفرحانه بسلامة ابوي نوره : يعني مهوب علشان جاسم حصه : نوير خلينا من هذا الكلام الحين انتي صرتي اقرب لي من امي وتعرفين كل شئ صح نوره : صح ويعلم الله ان غلاتك الحين من غلاة جاسم ولا زود تصدقين بشئ حصه :شنو نوره : تصدقين ان جاسم يغار منك انتي وامك حصه: ليه نوره : لاني اقوله ان حصه وامها اغلا منك ولا مثل حبي لك حصه : نوير لا تبالغين ترى اخوك وحيدك نوره: صدقيني مابالغ حصه: هذا من طيبك وكرم اخلاقك الطيبه نوره : وانتوا بصراحه تنحبوون حصه: الله يحبك ويخلي لك اخوك وامك وزوجك رجع ابوسالم من رحلة العلاج بعد ثلاث اشهر وكانت صحته على احسن حال . وبعد فتره من رجوعه خطب جاسم حصه من ابوها فوافق ابوسالم وتزوج جاسم من حصه وسافر معها شهر عسل ورجعوا الى بيت ابوها وقال جاسم ياعم ابوسالم اترك انت وعيالك هذي المنطقه واسكنك باحسن فيلا في المدينه فرفض ابوسالم وعاش جاسم وحصه حياه سعيده وكان مع غناه والرفاهيه لا يرتاح الا في بيت الطين بيت ابوسالم . وتمت القصه 
 تسلم دياتك يا ناريز على روعه تصميك الراقي 
الساعة الآن 01:12 PM
| |||||||||||||||||||||||||||||||||||||||||||||||||||||||||
عضويتي 
العرض العادي
