يازين حكيّه ، لاحكى في ذرابه
كن السوالف ودها تسمع احكاه..!
،'
مسهم بالخير . اشلوونكم وحشتوني وانا عارفه انو انا بعد وحشتكم ودام صار بيننا تبادل وحشات بسولف معاكم الليله..' لاول مره ادخل بمقدمه مرتبطه بموضوعي الا وهي الحكي الحلو
طبعاً اتساع جغرافيه السعوديه عطت تعدد باللهجات والتقاليد والعادات وهذا شي موجديد
طيب ايش الهرجه الجديده .؟! الهرجه ياطولين الاعمار انه فيه حكيات بتعئد وقعها على النفس البشريه مثل قنبلة هيروشيما تضيعك تلعب في حسبتك .. سبحان الله بعض البشر تجي منهم كلمات كلها ذرابه وحلاوه ولها نكهه خاصه ما تجي الامنهم بس ..!
يعني مثلاً كلمة لبيه هذي الكلمه قمة الخققان
لها وقعها في النفس بس مو كل من قالها يفز له القلب ..
يعني تخيلو تجي من سالم الدوسري ولا جحفلي ..!
مالها فكاهه ولا مازيّه
كلمة يابعد هالدنيا << تطير القلب من محانيه
وكلمة فديتك .. لها وقعها الغير طبيعي ع القلب
ونسمعها كثير ونشوفها بعد تكتب بالمنتديات لكل من هب ودب ..
ولا تأثر فينا الا ان جات من بعض البشر لها جوها
لي صديقه شمريه ياحبي لشمر تعجبني لهجتهم .
لاقالت يابعد حيي هاللون ياحلو الذرابه والحلا
وبعد سوالف هل البراقع المختومه بـ تس تس
تحس انك تسمع سمفونية بيتهوفن
ياكثر الكلمات اللي تشقق مير بعطيكم مجال تشققون فيذا
على فكره لا احد يجي ويكتب يعطيك العافيه ع النقل او موضوع رائع ويمسك الباب ..!
لان الموضوع غير منقول ويحتاج للمشاركه الوجدانيه ^^
بالله لاتطيرون نكهة السوالف وتجردوني من الذرابه
تعالو علموني عن الكلمات اللي تلعب بحسبتكم
علنّي يوماً ما احوسكم بها ع حين غره
وهذي ورده لدعمكم