[/
طل الصبح من عيونك يكتب اشعار
يمد بساطو ع جفونك ت الليل يغار
شمسو تهدي ع رموشك تغزل افكار
النغمة تهلل ع خدودك تصبح اوتار
لتعزف كل فكرة بنغمة مليانة سرار
حب السمرا وتغنّى بعينين ملاح
من خدا يرشح خمرة وتملّي قداح
نطرة منها بترميها تصيبك برماح
الشامة ال ع خدا طلقة والغمزة سلاح
تصيب العاشق بقلبو ان طيفا لاح
الخمر تلون ع خدودك ت الحمرة تدوب
العين بتسكر من نظرة تشغل القلوب
وتسرق من عينك دمعة تبكّي الغروب
القلب تلوع ع غيابك ما بدو يتوب
ويشعل بنار الغيرة جبهات حروب
شفافك وان نطقت كلمة العطر يفوح
تعطر كل المعمورة لتطيب جروح
دوبتي اللي حواليكي ورديتي الروح
حسنك غنوة بتتغنى ت القلب يبوح
الله عليكي ماحلاكي وصفك فتان..
بقلمي
سيرين
سحر الشرق))لااحلل النقل حتى مع ذكر المصدر))
الاحد 31\5\2015
الساعة2:00
|
|
|
|