يا حبيبي زورني في غيابي والحضور
زورني حتى لو اني ماسألت ..
طمن البال وحسسني اهتمامك
فى وجودك تشرق الشمس وتغيب
ويبتدئ نور القمر في عيونك
طلتك خير مثل السحابه لامطرت
ترتعد لك شجوني ويهب فيني هواك
أهـ لو تدرين وش رسمتك في خيالي
أجمل الالوان طيفك في عيوني
ناظريني بقلبك وركزي في حروفي
كلها تتجهه صوبك وتطلب وصالك
هاجسي فيك ما انام الليل اعانق خيالك
أحسب الوقت ياهو الليل ما أطوله
عكس لو إنك معاي اه ياسرعة الوقت
الدقايق بدون في عيوني تساوي شهور
والسويعات من عمري تساوي دهر
اه بس لو تدرين بحالي وانتظاري
كان دقيتي الجرس من دون موعـد
أو تصحيني الشاشه على نغمة رنينك
تفرح الساعه بقدوم واقول للوقت يتوقف
وكلما فيني يفز واقف احتراما للوصول
ترقص اطرافي ودقات قلبي تستفيق
وتعلن افـراحي المحبه للمساء والسهر
وتهجد احزاني وتعطي فوائدي فرصته
أهتني فيك وشتكي لك همومي وامنياتي
وطفي الشوق من نظرت عيونك
ونحني لك وقارا واحترام حتى الصباح
وارسمك في زوايا غرفتي احلا هدية
وتكتبي لي بيمناك في دفتر زائريني
واطلبك توقيع الابهام على بيض الورق
ما يكفيني كتابه هامشية بريشة قلم
اختصا رات البدايه ما تأسس علاقه قويه
الاصل نكتب مواثق وشروطا متينه
بعدها يبتدي معاك السهر في ليلة قمر
من حنانك تسقين العطش وتبتل العروق
وكل جرحٌ بقلبي على يدك يطيب
وفي ضميرك اسجل ذكرياتي
يشهد الليل ونجوم السماء في حظورك
واستبيحك في غسق الدجاء لين الشروق
وارسم احلامي على كفك بنور القمر
وانتي بدورك تطردي الحزن وتحلي مكانه
وترسمي لي طريق الحب في فؤادك
وتقبليني عشقيك وتخلصي لي
بالوفاء والموده تدوم المحبه