- أستاذة ناهد حضرتك عملتى أدوار كتير جدا بس هيفضل دور ثنية فى لن أعيش فى جلباب أبى اللى سابت بصمة كبيرة جدا عند الناس، إيه سر النجاح ده؟
= بصى هو التوفيق ده من عند ربنا ده أول حاجة، اللى نجح المسلسل ده إنه معمول بحب رغم إن كلنا بلا بإستثناء تعبنا فى المسلسل ده و غير ده كل المسلسلات و الأفلام فى الفترة دى كانت بتطلع إن أى واحد عاوز يبقى غنى بيمشى فى سكة بطا.لة أو بطريقة مش كويسة زى المحْد.رات و الر.نننــوة كل الأعمال فى الفترة دى بالتحديد كانت كده
فا لما يطلع مسلسل عن واحد طالع من الصفر و بيبدء هو و مراته من الصفر لحد ما بقى مليونير و فضلت الأسرة زى ما هى محتفظة بعاداتها و تقاليدها و أصولها لا هو إتجوز عليها مثلا ولا هى غيرت من طريقتها و لبسها ولا إن الفلوس غيرتهم و يعملو حاجات مش بتاعتهم، لأ فضلو زى ما هما فا ده اللى نجح المسلسل و خلاه يدخل قلوب الناس من غير ما يفكرو و غير كده كمان إن قصة عبد الغفور البرعى دى قصة حقيقة فا ده اللى خلى الناس مستمتعة الحكاية، و اللى حبب الناس فيه أكتر عبلة كامل اللى كانت من كتر ما كلنا بنحب بعض كانت تيجى كل يوم لو عندنا تصوير الصبح بكمية ساندوتشات فول و طعمية و بتنجان تقولنا يلا يلا إفطروا فا مسلسل معمول بكمية الحب ده لازم ينجح ❤️
ناهد رشدى فى Its show time 📺